Jorge Suárez García

Secretariu de Mar, Puertos y Pesca

Nacíu en Campo’l Ferrero (Gozón), en 1964. Llicenciáu en Náutica y Tresporte Marítimu pola Escuela Superior de la Marina Civil de Xixón, con Premiu Estraordinariu de Llicenciatura pola Universidá d’Uviéu. Títulu profesional de Capitán de la Marina Mercante.

Ente los años 1985 y 1994 desendolcó la so vida profesional en buques mercantes de navegación internacional. En xunu de 1994, dempués de pasar la correspondiente oposición, pasa a formar parte de la Plantiya de Salvamentu Marítimu, del Ministeriu de Fomentu, como Controlador de Tráficu Marítimu y Coordinador d’Emerxencies na Mar. Hasta xineru del añu 2004 tuvo destináu nel centru d’esti organismu nel puertu de Tarragona, siendo treslladáu llueu al Centru de Salvamentu Marítimu nel Puertu de Xixón. Actualmente, dende’l 1 de xunetu de 2015 ta n’escedencia por elección de cargu públicu.

Na so actividá política foi Secretariu Xeneral de l’Agrupación de Gozón ente los años 2013 y 2017. Nes elecciones municipales del añu 2011 encabeza la llista del PSOE al Conceyu de Gozón, desempeñando’l cargu de portavoz del grupu municipal nos 4 años de llexislatura. Dempués de les elecciones del añu 2015 y hasta agora desempeña’l cargu d’Alcalde de Gozón.

Close Menu