Gimena Llamedo González

Secretaria d’Área d’Organización

Nacida en Les Arriondes (1981), ye Llicenciada en Psicoloxía pola Universidá Pontificia de Salamanca. Nel so currículu académicu conséñase tamién que ye Máster en Psicoloxía Clínica, finalista del Certame Universitariu Arquímedes d’Investigación Científica y socia fundadora del Gabinete Psicolóxicu Deva y de la empresa turística Turismu Rural Asturies.

Na so xera política, foi conceyala d’Igualdá, Deporte y Sanidá y portavoz del grupu socialista nel Conceyu de Parres; presidenta de la Federación de Muyeres Moces d’Asturies; miembru del Comité de Coordinación de la Rede de Muyeres Españoles y Africanes por un Mundu Meyor; vocal de la Coordinadora Española del lobby européu de Muyeres; patrona de Fundación Muyeres y conseyera del Conseyu Económicu y Social (CES) del Principáu. Ente 2012 y 2017 foi Secretaria d’Igualdá de la FSA-PSOE. Ente 2014 y 2018 foi Directora de l’Axencia Asturiana de Cooperación del Gobiernu del Principáu. Anguaño ye la Xefa de Gabinete de la Delegación del Gobiernu nel Principáu d’Asturies.

Close Menu